El blog de Llingua de XOVE

¡Buenes! ¿Cómo seguimos? ¿Yá tenéis ganes de volver a clas? Yo tengo que confesar que vos echo muchu en falta, pero yá queda menos pa venos...😉 Esta selmana, enantes d'entamar coles tarees de cada grupu, prestábame recordavos toes eses precauciones importantes que tenemos que tomar pa cuidanos del bichu del coronavirus.  1) Llavar les manes varies veces al día y polo menos durante 20 segundos (¿Alcordáisvos del "Cumpleaños feliz" que facíamos en clas?). 2) Nun tocar la cara. 3) Poner delantre la cara'l brazu, doblando'l codu, cuando tosamos o estornudemos. 4) Una bona dosis de paciencia... ¡Vamos allá! Entamamos esta nueva selmana, que comparte los meses de marzu y abril, con munches ganes. Amás yá sabéis qu'hubo cambiu d'hora, asina que col horariu de branu vamos tener más hores de lluz al día. ¡Otra bona noticia!                                       ...

¡Holaaaaa! ¿Qué tal va too? Güei vuelvo a asomame per equí p'animavos a lleer un poco... De xemes en cuando voi facevos dalguna propuesta de llectura pa seguir deprendiendo y practicando la nuesa llingua. ¡IMPORTANTE!  Na portada del blog vais alcontrar un enllaz llamáu  ACADEMIA DE LA LLINGUA ASTURIANA . Ehí tenéis un  diccionariu online  pa buscar toles pallabres que necesitéis. Estos díes tenemos la suerte de que varies editoriales nos "regalen" dalgunes llectures online pa disfrutar dende la tablet o l'ordenador, asina que vamos aprovechalo. Nesti casu trátase de la Editorial PINTAR-PINTAR.  Cuentos Editorial PINTAR-PINTAR Pinchando ehí podéis ver TOLOS llibros que nos ofrecen escritos en llingua castellana y llingua asturiana .  Pa poder ver los que vos propongo, tenéis que pinchar nel triangulín (v) y va apaecer la opción de los llibros asturianos.  De los doce cuentos que vais alcontrar vamos fixanos en tres: -Pa 1º ...

¡Bonos díes, llinguateres y llinguateros!  ¿Cómo lleváis estos díes?  Darréu, voi dexar unes xeres o tarees pa que faigáis dende casa.  Si daquién quixera facer, amás de lo que-y toca, dalgunes de les propuestes dirixíes a otros cursos, nun hai problema, tais convidaos/es, lo importante ye que nun olvidemos lo que deprendimos en clas y que lo pasemos bien. Esti ye'l trabayu que tenéis pa esta selmana del 23 de marzu, dir organizándovos según los deberes que tengáis de les demás asignatures.  ¡Ánimuuu y a por ello!  TAREA PA 1º Y 2º ¡Holaaaa!  ¿Alcordáisvos del "rap de los DÍES DE LA SELMANA"? "UNA SEÑORONA QUE CONOZO YO TUVO 7 FÍOS GUAPOS COMO'L SOL: EL LLUNES YE VAGU, EL MARTES LLAMBIÓN, MIÉRCOLES Y XUEVES DOS XIMIELGOS SON. EL VIENRES TRABAYA, EL SÁBADU NON Y QUEDA'L DOMINGU QUE YE UN DORMILÓN" OUUUU YEAHHHH!!!                                ...