SELMANA del 8 de xunu

-

¡Holaaaa, llinguateres y llinguateros! 💛
¿Cómo lleváis estos díes? Espero que teis perbién 🌈





Y poquiñín a poco, yá vamos llegando al final d'esti cursu escolar 2019/2020... Asina, que como fice estes selmanes p'atrás, voi dexavos el calendariu de xunu pa que vos organicéis:

*Calendariu de "Imagina, Crea, Educa" 


¡¡¡AVISU!!! Esta selmana nun hai tarees. Voi dexavos varies cosines, pa dir despidiéndo'l cursu, de les que podéis facer lo que vos preste:


- DIPLOMA certificáu de llinguateru/llinguatera del cursu 19/20 del alumnáu de Llingua del colexu de Xove.
(Pa completalu, falten la semeya o autorretratu dibuxáu -pa pegar enriba- y el nome de la neña o neñu que rellene'l diploma).

*¡IMPORTANTE! Nun pasa nada si nun tenéis impresora en casa. Podéis copialu, que toi segurísima que vos va quedar perguapu.





-Vamos deprender a facer flores de papel cola técnica "kirigami", yá vais ver qué prestoso ye...




-¿Conocéis "el cantar del vasu"? 
Déxovos el tutorial, que ye como se noma n'internet al vidiu que t'enseña cómo deprender a facer daqué. Nesti casu ye pa deprender los pasos qu'hai que siguir pa poder acompañanos col vasu mientres suena esti cantar tan prestosu. Tenéis tiempu en tol branu pa practicar...


+ El vidiu oficial:







-Como ta a puntu de llegar el branu... ¡Qué meyor idea que preparar, en familia, unos riquísimos y sanos xelaos de frutes naturales! 
🍨🍇🍎🍏🍌






-¿Xugamos a ver cuántos acertáis? Propóngovos dos xuegos pa exercitar la memoria. Hai que poner atención porque va dir complicándose poquiñín a poco... ¡A por ello, valientes!








-Y pa finar, como llega'l bon tiempu y con él el calorín, déxovos les instrucciones y el vidiu pa facer un ABANICU. Si tenéis materiales per casa pa llevar a los contenedores de reciclar, meyor, asina dámos-yos una segunda vida. ¡Qué bona manera de cuidar el planeta!







¡Un abrazu na distancia y bona selmana!    Mer♡





 


Comentarios

  1. Unknown8 de junio de 2020, 15:30

    GRANDE YES LA MEYOR Y LA ÚNICA QUE NUN MANDÓ DEBERES ESTA SELMANA

    ResponderEliminar

Publicar un comentario

Entradas populares de este blog

SELMANA del 11 de mayu

-
Imagen
¡Bonos díes a toes y a toos! Vamos a por otra selmana... Déxovos la fueya del calendariu pa organizavos. Tamos nel mes de mayu, el mes de les flores .    ¡Que vos preste!                                                                                           *Calendariu de "Imagina, Crea, Educa" Como vos cunté na entrada anterior, la selmana pasada habría de festexase  El Día de les Lletres Asturianes ,  pero col "bichu" per ehí rondando tuvo que posponese. Poro, voi proponevos a TOES y TOOS una llectura   como  primer tarea  d'esta selmana . Entrái  nesti enllaz  editorial PINTAR-PINTAR ,  pinchái na pestañina que trai "All" y vais llegar directamente a la sección de llibros escritos n'asturi...
Leer más

SELMANA del 27 d'abril

-
Imagen
¡Holaaaaaaa, llinguateros y llinguateres!  Yá cumplimos el primer mes d'andadura col blog y tengo que dicir que ta funcionando perbién con dalgunos cursos. ¡GRACIES! 🌈  Esta selmana despedimos el mes d'abril, asina que vos dexo la fueya del calendariu pa organizavos...                                                                                   *Calendariu de "Imagina, Crea, Educa" TAREA PA TOES y TOOS : Esta selmana  vais facer,  TOES y TOOS, una xera común. Nesta ocasión trátase d'un cómic .   Déxovos darréu'l PDF pa que lu copiéis  nuna fueya y lu faigáis nuevu a vuestra manera.  A ver qué prestosu vos queda... CÓMIC TAREA pa 1º :  Como segunda tarea de la selmana, vamos repasar: La separación de resid...
Leer más

SELMANA del 25 de mayu

-
Imagen
¡Hoooolaaaaa! Equí tamos una selmana más... ¿Sabéis que sólo vos falta un mesín pa quedar de vacaciones? Pues agora que queda tan poco, hai que facer l'últimu esfuerzu pa finar esti cursu 19/20. Espero que toos y toes sigáis perbién.  Quiero mandavos un  besu xigante  y davos les  gracies  por tol esfuerzu que tais faciendo dende casa.  Tocónos vivir una época bastante "especial" y sólo puedo dicir coses positives de toles personines que siguisteis en contactu conmigo dende esti blog.  ¡Áni muuu, qu'esto yá ta chupao! Y, casi ensin danos cuenta, poquiñín a poco, tamos terminando mayu ... *calendarios de "Imagina, Crea, Educa" Enantes de nada, voi dexavos pa TOOS y TOES el cuestionariu de la llectura que vos propuse va dos selmanes... CUESTIONARIU "La mio hermana ye una mofeta" Yá me cuntáis qué tal... --------------------------------------------------------------------------- TAREA pa 1º : Esta selmana vamos repasar una de les unidaes más presto...
Leer más