SELMANA del 25 de mayu
¡Hoooolaaaaa! Equí tamos una selmana más...
¿Sabéis que sólo vos falta un mesín pa quedar de vacaciones? Pues agora que queda tan poco, hai que facer l'últimu esfuerzu pa finar esti cursu 19/20.
Espero que toos y toes sigáis perbién. Quiero mandavos un besu xigante y davos les gracies por tol esfuerzu que tais faciendo dende casa.
Tocónos vivir una época bastante "especial" y sólo puedo dicir coses positives de toles personines que siguisteis en contactu conmigo dende esti blog. ¡Ánimuuu, qu'esto yá ta chupao!
Y, casi ensin danos cuenta, poquiñín a poco, tamos terminando mayu...
 |
| *calendarios de "Imagina, Crea, Educa" |
Enantes de nada, voi dexavos pa TOOS y TOES el cuestionariu de la llectura que vos propuse va dos selmanes...
Yá me cuntáis qué tal...
---------------------------------------------------------------------------
TAREA pa 1º:
Esta selmana vamos repasar una de les unidaes más prestoses que vimos esti cursu... El reló.
Déxovos el cantar, la lletra, el diccionariu pintáu y una fichina pa facer de repasu:
1) CANTAR: EL RELÓ
2) LLETRA: LLETRA "El Reló"
4) FICHINA: ficha de les hores
¿Alcordáisvos cómo facíamos la mímica (xestos) del cantar coles distintes partes del cuerpu? ¡Que vos preste!
*Podéis echar una güeyada al póster que-yos puse a 2º y 3º con idees pal almuerzu de la escuela, a ver qué vos paez...
TAREA pa 2º y 3º:
Pa entamar, déxovos esti póster con un montón de propuestes saludables y riques pa llevar d'almuerzu a la escuela:
 |
(Espero que d'ehí saquéis un montón d'idees pa nun abusar de los alimentos procesaos que tienen escesu d'azucre y sal y nun son nada bonos nin pa mayores nin pa los neños y neñes...).
Depués de practicar la llectura col póster de los almuerzos, vamos siguir con dos fichines mui cencielles de repasu.
(¡¡¡IMPORTANTE!!!: los neños y neñes de 2º solo vais facer una de les fiches y podéis escoyer cuál... Los neños y neñes de 3º tenéis que facer les dos).
Y pa finar, de regalu, un cantarín mui prestosu del grupu POP PIQUIÑÍN que se titula: "¿Por qué, por qué?"
¡A cantaaaarrrr!
TAREA pa 4º:
Si la selmana pasada repasamos los ríos asturianos, ésta vamos falar del picu más famosu d'Asturies: El Picu Urriellu.
(semeya de Pedro J. Pascual Hernández)
¡¡¡Avisu!!! Si tenéis vértigu nun veáis esti vidiu:
Pa finar, déxovos una fichina mui cenciella: El Picu Urriellu
¡A por ellooo!
TAREA pa 5º:
Esta selmana, como segunda tarea, vais ver estos curtios de cine:
Depués, tenéis que mandame un párrafu escritu o un audiu cuntándome n'asturianu cómo te fizo sintir caún d'ellos y les razones...
TAREA pa 6º:
Esta selmana estrenamos proyectu nuevu, nel que vamos tratar un montón de temes interesantes pa cuidar el planeta...
Vamos entamar col tema de les tres R: Reducir, Reutilizar y Reciclar, que de xuru vos suena porque lu trabayasteis en clas colxs diferentes tutores y con Marga, que ye quien lleva'l proyectu de Mediu Ambiente na escuela.
Pero'l primer pasu: SEPARAR, ye trabayu nuestru. Ye daqué que ta al nuesu alcance, ye dicir, que lo podemos y debemos facer nós. Sólo fai falta un poco d'interés y conciencia por curiar el nuesu entornu.
Asina que nun hai escuses pa nun separar la basura que xeneramos en casa o nel colexu. Pa ello cuntamos con contenedores de diferentes colores en toles cais y barrios de Xixón y toa Asturies.
Como sabéis, hai una empresa nomada COGERSA, acrónimu que significa:
"COnsorciu para la GEstión de los Residuos Sólidos de Asturias", que como'l so nome diz, dedícase a xestionar qué facer, depués de separar, con tolos residuos sólidos que xeneramos n'Asturies.
Darréu, déxovos un vidiu pa ver el trabayu que fai la xente que trabaya nella:
Pa finar, tócavos facer una manualidá. Nun voi dicir yo cuál, sois llibres.
La única condición ye usar dalgo que tengáis per casa y que dibeis separar a ún de los contenedores de reciclaxe, por exemplu, tubos de cartón del papel de cocina, tubos del papel hixénicu, botelles de plásticu, envases de yogur, etc. Vamos da-y una segunda vida. A ver qué se vos ocurre...
¡Bona selmana y un abrazu na distancia...! Mer
*Dalgunos materiales de 1º y 4º tán sacaos de los manuales de LLingua Asturiana de la Ed. VTP
Comentarios
Publicar un comentario